Cruceiros
Cruceiro de Salto
Parroquia: Salto
Lugar: Adro
Posición: 43º 26’ 40.7’’ N / 008º 08’ 22.8’’ W
Folla IGN: 22
O Cruceiro de Santa Cruz de Salto, ubicado cabo da igrexa parroquial, está feito de cemento e está formado por una plataforma cadrada sobre a que se alza un pedestal cúbico. O fuste -de forma octogonal- faise cadrado nos extremos. O capitel está formado por dous ábacos e un equino, sostendo unha cruz latina sen figuración.
CRUCEIRO DE SAN ANDRÉS
Estilo: Crucifijo de estilo barroquizante
Parroquia: Cabanas
Lugar: Adro
Posición: 43º 25’ 06.6’’ N / 008º 09’ 40.8’’ W
Folla IGN: 22
Situado no adro da igrexa parroquial. A plataforma consta de un chanzo cadrado de granito. Descansa sobre el un pedestal de forma lixeiramente troncocónico. Varal de forma octogonal, cadrado nos extremos. Sobre o capitel, tamén troncocónico, descansa a cruz de cemento. Nunha das súas caras obsérvase un crucifixo de estilo barroquizante, tallado por canteiros pontevedreses.
CRUCEIRO DE LAVANDEIRA
Parroquia: Soaserra (+Santa Eulalia)
Lugar: Lavandeira
Posición: 43º 26’ 13.8’’ N / 008º 06’ 38.4’’ W
Folla IGN: 22
O Cruceiro de Lavandeira, construído en granito e formigón, ten unha plataforma rectangular cun chanzo sobre o que se alza un pedestal ortoédrico; o fuste é de forma octogonal e vólvese cadrado nos extremos. O capitel é unha moldura cadrada e dous toros separados por unha escocia. A cruz, feita de cemento, é posterior ao resto do conxunto.
CRUCEIRO DO AREAL
Parroquia: Cabanas
Lugar: Areal
Posición: 43º 14’ 58,78” N / 8º 5’ 56,04” W
Folla IGN: 22
O Cruceiro do Areal, construído en granito, ten a planta octogonal con dous chanzos. Sobre estes descansa un pedestal exagonal. Unha basa cadrada -composta por dous toros e unha escocia- sostén un fuste octogonal que se vuelve cadrado nos extremos. Na cara frontal o fuste presenta unha flor de catro puntas como elemento decorativo. O capitel está formado por un equino e un ábaco e soporta a cruz, na que están representados, nun lado, Cristo crucificado con tres cravos e a cabeza lixeiramente ladeada á dereita; no outro, unha imaxe da Virxe coas mans colocadas para orar e a cabeza ladeada cara á esquerda. En cada un dos extremos da cruz pódese ver unha flor de oito puntas.